2011年9月30日星期五

交換音樂

常覺得音樂是很難與人分享的。
你可以介紹你喜歡的歌給朋友,但不能逼人家聽,更惶論令對方同樣愛上。
所以,如喜歡一個歌手,便要特意去找同好。

因為去年喜歡了堂本剛,於是和年紀相差一截的年輕同事有了共同話題,大家交換歌來聽,很開心。
她比較愛日本歌。於是我將僅有的堂本剛、Kinki Kids、日本卡通片歌、英文歌、soundtrack和舊廣東歌給她。
她給我的包括Gackt, Sarah Brightman, T.M. Revolution, Radwimps, GReeeeN, 石川智晶、松下優也、Tokio Hotel等。除了Sarah Brighman和Gackt,其他的我全沒聽過。


聽音樂,與看戲一樣,會讓人進入另一個世界。加上youtube這偉大發明,歌手們有更多機會以影像吸引人--我們不用準時看電視或去唱K也可輕易欣賞到他們的MV,越看越發現得多有趣之作。

找到與年輕同事的共同話題,很開心,以下是我和那同事之間關於分享音樂的對話(作了點修改):

我:我地呢個小小音樂交流會幾好玩。

佢:雖然我們喜歡的風格未必同(也有的同啦)。可是最緊要是你願意和我交流嘛~~~ 這樣開心D

我:咁樣交流好開心

佢:係啊,分享是很開心的。(錢除外,有都想分~~)

我:響加拿大中意Beyond,我想share,試過將全部碟借俾朋友,同埋借黃耀明俾朋友,結果都影響埋佢(不過唔係個個都得)。同埋駕車時可聽歌,可迫人聽任何歌。

佢:咁米好lo~~ 不過我通常share比人,人地都是喜歡了別的。eg,Share A band,之後人地會喜歡B band,之後都係無得咩交流,因為我不熟B band的東西。

我: 唔係成日都搵到知音。我有一排成日上Beyond網,因為無人同我講。

佢:你好慘,不過現在都有人同你Beyond下。

我:Beyond都拆左夥啦...... 我都學識左唔迫人聽。推介左,唔中意就算。我下次俾少少 Radiohead你。

佢:是啊,我也是這樣覺得,加上我覺得自己喜歡的太雜,別人可能好ROCK,好BLUE,我就是一點點,什麼也是小小,可能好難同人談得深入。不過現在傾傾下又傾,很好。(好!!radiohead OK!!!!)

我:我聽音樂絕對唔深入,又聽得少,同埋成日到人地高峰期過左,或唔紅啦,或死左先識鍾意.。

佢:是啊是啊,我也是。那些人紅到爆時,我都不知做什麼。現在過了十幾年才識他們。不過也證明,他們的歌好聽好足十幾年,一係就係我係老餅。


音樂分享:
GReeeeN的Sunshine: 呢首share唔到片,組合名叫GReeeN,係四個牙醫學生,從來冇響公開場合露面。(所以個MV係無野睇的)單係呢個背景已經引起我o既好奇心。呢首歌跑步聽一流。

Sunshine: http://www.youtube.com/watch?v=-S9i2UEtMvc&list=PL69786DB41A55E8B1&index=17



Tokio Hotel: 呢隊係德國少男組合,十幾歲出道,好快就衝出德國,唱英文歌,好受後生仔歡迎。(不過佢地唱德文比唱英文更有味道。)除左西方,佢地響內地都有好多粉絲。主音打扮同歌聲都好中性,睇呢個MV之前,我仲一直都以為主音係個女仔。就算睇MV,一開始都以為佢係一個中性打扮o既女仔。佢有個孖生細佬,流黑人般的長鬈髮,釘唇環,形象突出,所以好易分。我佩服o既係,點解佢地年紀小小就有信心以咁o既打份公開演出,仲有能力衝向國際,好勁。

Monsoon德文版:http://www.youtube.com/watch?v=JmUfyOoHGqI&list=PL9C00BA97092DE2EC&index=54
--好舒服,容易聽上癮o既一首歌。

Scream德文版:http://www.youtube.com/watch?v=aK449BfzZeU&list=PL9C00BA97092DE2EC&index=52
--呢首活力十足。


Gackt:呢個應該最多人識。視覺系。佢個外型係完美到會俾人用黎做卡通片角色的!佢o既歌迷好瘋狂,就算佢笑一笑都會有條youtube片題為Gackt smiles。



(終於有片睇啦~)
Mizearble: http://www.youtube.com/watch?v=88FBonM7SnI
--呢首歌加埋個畫面,好有電影感,似講故事一樣。




Lu:Na: http://www.youtube.com/watch?v=Hj7V-zOJqEc
--睇舞台表演就知咩野係「視覺系」。話時話知道有Gackt呢個人係睇《月之魔童》,有Hyde同Gackt,但我係為左郭善嶼而睇的。嘩!套戲難睇到...... Twins 果套彊屍片都好過佢。



加番兩首好好聽o既女聲,兩首都係慢歌,感覺幾飄緲:


石川智晶《淚腺》
http://www.youtube.com/watch?v=sw5J5wKg39g


Kalafina - Oblivious
http://www.youtube.com/watch?v=rIB5sdyAYD4


3 則留言:

  1. "我聽音樂絕對唔深入,又聽得少,同埋成日到人地高峰期過左,或唔紅啦,或死左先識鍾意.。"  --> me too la, 唔好得你幾多 Tokio Hotel 個男仔,真係好中性喎,個 look 仲有啲似 The Girl with the Dragon Tattoo 裡的 Lisbeth,啲歌我覺得ok 啦,一般 band sound ,我反而想知個主音之後大啲變聲會變成點。 我都覺得自己聽歌好雜,啲同事全部當我怪物,其實自己鍾意聽乜就聽乜,我鐘意上網睇吓人哋聽乜,有時睇吓啲文章簡紹試吓聽新嘢,聽到好嘢,都不知幾開心~ 唔鍾意嘅都無壞,試吓咋麻唔洗死的~ 我絕對同意youtube 係超偉大啲發明!無youtube 我諗唱片業死咗好耐! 已經有太多人叫我聽radiohead,睇嚟我真係要試吓,有無邊隻碟係推介,或者入門好??
    [版主回覆10/02/2011 08:28:00]Tokio Hotel早典唱德文, 後來唱英文, youtube內可以找到他們近年的歌呢。(主音確實變聲了) 我也覺得他們的歌是動聽的band sound, 未至於好勁, 但形象就真係好吸引後生仔女。你啲同事全都當你怪物? 不過你都識到志同道合的歌迷啊。真係要自己搵的。 我第一隻聽o既Radiohead係The Bends, 可作入門。 http://www.youtube.com/watch?v=BrZTNhW44-o&list=PL9C00BA97092DE2EC&index=4  (呢首歌同個MV都好正) http://www.youtube.com/watch?v=NCPDiEz-GcE&feature=related   (facebook好多人會post歌, 成日都有新發現!)

    回覆刪除
  2. 在妳與佢的對話間插句嘴。某音樂單位過了巔峰,才聽他們的唱片,那是常態,因為很多單位在我們出生前已解散,或死亡。當然,能一路見證喜歡的音樂人 / 組合成長、轉變,是一件有趣的事。
     
    譬如妳講起的 radiohead ,從處男作" pablo honey" 的 guitar based 風格,到" the bends" song based 的細緻,到" ok computer" 發展成充滿未來性的音樂概念,到" kid A" 的高度電音實驗,而同期灌錄的" amnesiac" 卻又展示出有機性,至" hail to the thief" 的 radiohead style 之總攬 、 包容與回歸;見證了樂團從初生之犢到非常成熟的音樂大迴旋,實是一次經年的欣賞樂趣。
    [版主回覆10/03/2011 07:44:00]用「音樂單位」很好啊, 因為有時是一位歌手, 有時是組合。 是啊, 雖然很遲才認識Radiohead, 但會補回他們的舊歌, 也有follow他們的新歌, 但認識不算深入。

    回覆刪除
  3. 這陣子只聽 soundtrack,都沒聽別的了。看了芝這一篇,讓我很想把家中的CD全拿出來聽一遍呢。
    [版主回覆10/03/2011 07:48:00]有時候想起某個音樂單位, 而家裡又有他們的CD的話, 都會帶出來重聽一遍。或者上youtube聽。(再說一次, 真是偉大的發明!)

    回覆刪除